Gall rhai microbau fod yn niweidiol i bobl a gallant achosi clefydau: mae'r firws 'Influenza' yn achosi'r 'ffliw' (yr enw byr am 'Influenza' ) ac afiechydon eraill y llwybr anadlol (RTIs) sy'n achosi symptomau tebyg yw'r 'anwyd cyffredin' neu 'salwch tebyg i'r ffliw’); gall bacteria Campylobacter achosi gwenwyn bwyd; a gall ffyngau dermatoffyt, fel Tarwden, achosi clefydau fel tarwden y traed a tharwden (ringworm). Gelwir microbau fel y rhain yn bathogenau. Gall pob microb ein gwneud yn sâl mewn gwahanol ffyrdd.

Dywedir bod rhywun sy'n sâl oherwydd microb niweidiol sy'n achosi clefyd wedi'i heintio. Gall llawer o ficrobau niweidiol drosglwyddo o un person i'r llall drwy nifer o wahanol lwybrau – aer, cyffwrdd, dŵr, bwyd, aerosolau (fel tisiadau ac anwedd dŵr), anifeiliaid, ac ati. Dywedir bod clefydau a achosir gan ficrobau o'r fath yn glefydau heintus.

Yn y wers hon, mae myfyrwyr yn archwilio pa ficrobau sy'n achosi clefydau adnabyddus, ac yn archwilio eu symptomau, llwybrau trosglwyddiad, mesurau ataliol, a thriniaethau posibl ar gyfer pob clefyd.