CA2: Microbau Defnyddiol
Bydd myfyrwyr yn dysgu nad yw pob microb yn niweidiol drwy archwilio pryd mae microbau yn ddefnyddiol i bobl. Defnyddir cystadleuaeth rasio burum i ddangos i fyfyrwyr y gall microbau fod yn fuddiol.
Sgroliwch i lawr am ragor o wybodaeth ac i lawrlwytho'r adnoddau.
Amcanion dysgu
Bydd pob myfyriwr yn:
- Deall y gall rhai microbau helpu i'n cadw'n iach
- Deall bod modd defnyddio rhai microbau er lles
- Gwybod bod microbau'n tyfu ar gyfraddau gwahanol yn dibynnu ar eu hamgylcheddau
Bydd y rhan fwyaf o fyfyrwyr yn:
- Deall pam ddylen i ddefnyddio sebon i olchi ein dwylo
- Deall mai golchi ein dwylo yw un o'r ffyrdd gorau o atal microbau rhag lledaenu
Gwybodaeth Gefndir
Gall microbau fod yn ddefnyddiol ac yn niweidiol. Un o'r prif ffyrdd y mae microbau yn fuddiol yw yn y diwydiant bwyd. Mae caws, bara, iogwrt, siocled, finegr, ac alcohol i gyd yn cael eu cynhyrchu drwy dwf microbau.
Mae'r microbau a ddefnyddir i wneud y cynhyrchion hyn yn achosi newid cemegol o'r enw eplesiad – proses lle mae'r microbau'n torri'r siwgrau cymhleth yn gyfansoddion syml fel carbon deuocsid ac alcohol.
Bydd y cynllun gwers hwn yn cyflwyno'r cysyniad o ficrobau defnyddiol drwy edrych ar sut mae ffyngau yn gwneud i does bara godi a nodi microbau eraill a ddefnyddir i wneud cynhyrchion bwyd eraill.
Gweithgareddau
Prif weithgaredd:- Rasys burum
- Llenwi'r bylchau
Dolenni i'r cwricwlwm
ABCh/ACRh:
- Iechyd ac atal
Gwyddoniaeth:
- Gweithio'n wyddonol
Saesneg
- Darllen a deall