CA3: Hylendid Resbiradol
Yn y cynllun gwers hwn, mae myfyrwyr yn dysgu pa mor hawdd y gellir lledaenu microbau trwy beswch a thisian, gan arwain at heintiau yn ymledu dros ardaloedd mawr. Mae'r wers hon yn ategu elfen Iechyd ac Atal y cwricwlwm ABCh/ACRh newydd ar gyfer CA3.
Sgroliwch i lawr am ragor o wybodaeth ac i lawrlwytho adnoddau.
Amcanion dysgu
Bydd pob myfyriwr yn:
- Deall y gall microbau ein gwneud yn sâl weithiau
- Deall bod atal heintiau, lle bo hynny'n bosibl, yn well na gwella heintiau
- Deall i beidio â lledaenu eu microbau niweidiol i eraill
- Deall y gall haint ledaenu trwy disian neu beswch
- Deall bod gorchuddio eich ceg a'ch trwyn â hances bapur neu eich llawes (nid eich dwylo) pan fyddwch yn pesychu neu'n tisian yn helpu i atal lledaeniad heintiau
Bydd y rhan fwyaf o fyfyrwyr yn:
- Deall y gall pesychu neu disian yn eich llaw ledaenu haint
Gwybodaeth Gefndir
Annwyd a ffliw yw'r afiechydon mwyaf cyffredin yn yr ystafell ddosbarth ac efallai y rhai mwyaf heintus. Mae coronafeirws yn salwch resbiradol sy'n cael ei drosglwyddo mewn ffordd debyg i annwyd a ffliw. Y dull trosglwyddo mwyaf cyffredin ar gyfer RTI yw trwy gyswllt agos â diferion resbiradol yn yr awyr o besychiadau a thisiadau neu drwy gyswllt ag arwynebau halogedig.
Mae hylendid resbiradol da yn arbennig o bwysig wrth agosáu at dymor annwyd/ffliw y gaeaf bob blwyddyn, a phan fo brigiadau o haint resbiradol.
Yn y cynllun gwers hwn, mae myfyrwyr yn dysgu sut gall y microbau a drosglwyddir wrth disian ledaenu i eraill sydd gerllaw. Maen nhw'n archwilio effeithiolrwydd gwahanol ddulliau hylendid resbiradol ar gyfer atal trosglwyddiad ac yn archwilio sut gall microbau niweidiol, sy'n cael eu lledaenu trwy ddiferion resbiradol, deithio ar draws y byd.
Gweithgareddau
Prif weithgaredd:- Rhedfa smwt
- Trafodaeth am ledaenu heintiau ar fordaith
- Trafodaeth ddosbarth am arferion gorau hylendid resbiradol
- Cwis hylendid resbiradol
- Ymchwil amddiffyn rhag germau
Dolenni i'r cwricwlwm
ABCh/ACRh:
- Iechyd ac atal
Gwyddoniaeth:
- Gweithio'n wyddonol
- Bioleg
Saesneg:
- Darllen
- Ysgrifennu