Mae ein dwylo wedi'u gorchuddio'n naturiol â bacteria defnyddiol – mae Staphylococcus yn enghraifft gyffredin. Fodd bynnag, gallwn godi microbau niweidiol o'r pethau rydym ni'n eu cyffwrdd. Hylendid dwylo o bosibl yw'r ffordd fwyaf effeithiol o leihau ac atal lledaeniad y microbau hyn ac unrhyw haint cysylltiedig.

Mae ysgolion a grwpiau cymunedol yn amgylcheddau cymharol orlawn a chaeëdig lle gall microbau ledaenu'n hawdd ac yn gyflym drwy gyswllt uniongyrchol neu drwy arwynebau. Gall rhai o'r microbau hyn fod yn niweidiol ac achosi salwch. Mae golchi ein dwylo gyda sebon a dŵr ar adegau allweddol yn dileu unrhyw ficrobau niweidiol rydyn ni'n eu codi ar ein dwylo o'n hamgylchoedd. Dangoswyd bod golchi dwylo yn effeithiol yn lleihau cyfraddau absenoldeb mewn ysgolion.

Yn y cynllun gwers hwn, mae myfyrwyr yn cynnal arbrawf i nodi pwysigrwydd golchi eu dwylo ar dwf cytrefi microbau. Byddan nhw'n dysgu hefyd sut mae hylendid dwylo yn effeithio ar y rhai o'u cwmpas ac yn lleihau trosglwyddiad microbau a allai achosi salwch.