Yn gyffredinol, mae ein system imiwnedd yn ymladd unrhyw ficrobau pathogenaidd a all fynd i mewn i'n cyrff ac yn helpu i'n cadw'n iach. Mae ganddi dair prif linell amddiffyn:

• Atal pathogenau rhag mynd i mewn i'n corff
• Celloedd gwyn y gwaed amhenodol
• Celloedd gwyn y gwaed penodol

Gallwn helpu ein system imiwnedd i ymladd microbau trwy gael ein brechu. Defnyddir brechlynnau i atal heintiau, yn hytrach nag i'w trin. Gall brechlyn fod wedi'i wneud o fersiynau gwan neu anactif o'r un microbau sy'n ein gwneud yn sâl. Mewn rhai achosion, mae'r brechlynnau'n cael eu gwneud o gelloedd sy'n debyg i gelloedd y microb sy'n ein gwneud yn sâl, ond nid ydynt yn gopïau union yr un fath. Mae brechlynnau asid riboniwcleig negesydd newydd (mRNA), fel rhai o'r brechlynnau COVID-19, yn dysgu ein celloedd sut i wneud protein, neu ddarnau o brotein, i sbarduno ymateb imiwnedd y tu mewn i'n cyrff. Trwy bob un o'r mecanweithiau hyn, mae ymateb imiwnedd yn cael ei sbarduno yn ein cyrff ac yn cynhyrchu gwrthgyrff. Dyma pam y gall pob brechlyn ein hamddiffyn rhag cael ein heintio â gwahanol glefydau. Er bod brechlynnau mRNA yn newydd i'r cyhoedd, mae ymchwilwyr wedi bod yn ymchwilio i hyn ers degawdau. Mae pob brechlyn, ni waeth at ba glefyd y mae'n cael ei gynhyrchu, yn mynd trwy brosesau trylwyr er mwyn sicrhau eu bod yn ddiogel ac yn effeithiol cyn cael eu cynnig i'r cyhoedd.

Yn y cynllun gwers hwn, mae myfyrwyr yn archwilio'r cysyniad o imiwnedd poblogaeth a sut gall brechu mwyafrif helaeth o'r boblogaeth amddiffyn pawb. Maen nhw'n dysgu hefyd bod angen gwahanol frechlynnau i atal gwahanol heintiau, a bod y mathau o frechlynnau sydd eu hangen yn dibynnu ar ble rydym ni'n byw ac yn teithio.